Les mots surlignés font l'objet d'une note
1Reçue à Grenoble, le 22 mars 1573.
2Monsieur, par le reffus que monsieur le procureur du païs a faict
3de prouvoir sur les remontrances et plainctes des consulz d’Estoylle
4par vous renvoiés à messieurs les commis, ilz se sont adressez
5à mon père et à moy pour vous supplier bien humblement
6de les avoir en recommandation, comme il vous a tousjours
7pleu les voir et aultres subiectz de monseigneur d’Aumalle,
8entre lesquelz nen recognoissant de plus grand zèle et
9affection de se conserver et garder des surprinses des ennemis
10que ceulx dudit Estoylle qui, à ceste occasion, ont
11supporté aultant de charges et peult estre plus quaultre
12petite ville du Valentinoys, sans quilz aient heu aulcunes
13aides ni aultres soulagement du païs, cognoissant leur
14pouvreté et bonne volunté quilz desirent continuer de
15bien en mieulx de se garder ; nous ne pouvons, mon père
16et moy, leur desirer, en consideration aussi de monseigneur
17d’Aumalle, que vous faire, monsieur, requeste bien
18humble de les faire descharger de la contribution pour le
19magasin de Valence. Monsieur de Veaune, mareschal de votre
20compagnie et plusieurs aultres gentilshommes qui y ont esté, vous
21pourront rapporter le bon ordre et grande vigilance quilz
22ont à garder leur ville et la despence quilz supportent
23et aultres malveulians qui ne cessent de tacher de les surprendre.
25Monsieur, après avoir salué voz bonnes graces des très humbles
26recommandations de mon père et des miennes, nous prions Dieu vous
27conserver parfaicte sancté et très longue vie.
28Votre à jamais très humble et
29obeissant serviteur De catynel
30A Doyssin votre maison, ce XXIIe mars 1573.